കെട്ടിച്ചമച്ച ഇത്തരത്തിലുള്ള വാര്‍ത്തയ്ക്ക് പിന്നില്‍ വിജയ് ബ്രാൻഡിന്റെ വിശ്വസ്ഥതയെ മറപിടിച്ചു ഈ പേരിന് സാമ്യമുള്ള മറ്റൊരു ബ്രാൻഡ് മാർക്കറ്റ് ചെയ്യാനുള്ള വിലകുറഞ്ഞ ഒരു ഗൂഢ തന്ത്രം മാത്രമാണെന്ന് ഗ്രൂപ്പ് അറിയിച്ചു. ഇതിനു മുൻപും ഈ തത്പരകക്ഷികൾ സോഷ്യൽ മീഡിയകളിലൂടെ ഇത്തരത്തിലുള്ള വ്യാജപ്രചാരണങ്ങൾ വഴി വിജയ് മസാലയുടെ ഉപഭോക്താക്കളെയും വിതരണക്കാരെയും തെറ്റിദ്ധരിപ്പിക്കാനുള്ള ശ്രമങ്ങളാണ് നടത്തിയിട്ടുള്ളതെന്നും മാനേജ്‌മെന്റ് കുറ്റപ്പെടുത്തി. മിയ പരസ്യത്തില്‍ അഭിനയിക്കുകമാത്രമാണ് ചെയ്തതിരിക്കുന്നത്. കമ്പനിയുടെ അറിവില്ലാതെ ഒരു പരസ്യം ചിത്രം ടെലികാസ്റ്റ് ചെയ്യില്ലെന്ന വസ്തുത നിലനില്‍ക്കെയാണ് താരത്തെയും കമ്പനിയെയും മോശമായി ചിത്രീകരിക്കാനുള്ള ശ്രമങ്ങളാണ് ഈ കൂട്ടർ നടത്തുന്നത്. ഇത്തരത്തിലുള്ള വ്യാജപ്രചരണങ്ങള്‍ തുടര്‍ന്നാല്‍ നിയമനടപടി സ്വീകരിക്കുമെന്നും ബ്രാന്‍ഡ് അംബാസിഡര്‍ എന്ന നിലയില്‍ മിയയുമായി ഞങ്ങള്‍ക്കുള്ളത് നല്ല ബന്ധമാണെന്നും മാനേജ്‌മെന്റ് അറിയിച്ചു.

ഇന്ത്യയ്ക്കു വേണ്ടി ഇന്ത്യയില്‍ രൂപകല്‍പ്പന ചെയ്ത സ്‌കോഡയുടെ ആദ്യ എന്‍ട്രി ലെവല്‍ സബ്-4-മീറ്റര്‍ എസ് യു വിയാണ് കൈലാഖ് എന്ന് സ്‌കോഡ ഓട്ടോ സിഇഒ ക്ലോസ് സെല്‍മര്‍ പറഞ്ഞു. ”ലോകത്തിലെ മൂന്നാമത്തെ ഏറ്റവും വലിയ കാര്‍ വിപണിയായ ഇന്ത്യ ഞങ്ങളുടെ രാജ്യാന്തര വിപുലീകരണ പദ്ധതിയില്‍ വളരെ പ്രാധാന്യം നല്‍കുന്ന രാജ്യമാണ്. ഇവിടെ പുതുതായി വില്‍ക്കപ്പെടുന്ന വാഹനങ്ങളില്‍  50 ശതമാനവും എസ്യുവികളുമാണ്. ജനപ്രിയവും അതിവേഗം വളരുന്നതുമായ ഈ സെഗ്മെന്റില്‍ പുതിയ ഉപഭോക്താക്കളെ ആകര്‍ഷിക്കുകയാണ് കൈലാഖിലൂടെ ലക്ഷ്യമിടുന്നത്. കാഴ്ചയില്‍ വേറിട്ടു നില്‍ക്കുന്ന ഞങ്ങളുടെ ഏറ്റവും പുതിയ കരുത്തുറ്റ  ഡിസൈന്‍ ഭാഷയുടെ ഇന്ത്യയിലെ അരങ്ങേറ്റവും കൈലാഖിലൂടെ നടന്നിരിക്കുന്നു. വൈവിധ്യമാര്‍ന്ന വകഭേദങ്ങളും കളറുകളും ഫീച്ചറുകളും, അടിസ്ഥാന മോഡലില്‍ തന്നെ ലഭിക്കുന്ന 25ലേറെ സുരക്ഷാ സംവിധാനങ്ങളുമെല്ലാമാണ് കൈലാഖിന്റെ സവിശേഷത. ഏറെ ആകര്‍ഷണീയമായ വിലയായ 7,89,000 ലക്ഷം രൂപ എന്നത് ഇന്ത്യയില്‍ ഒരു സ്‌കോഡ മോഡലിന്റെ ഏറ്റവും സ്വീകാര്യമായ വിലയാണ്,” അദ്ദേഹം പറഞ്ഞു.

കൈലാഖ്

ഇന്ത്യയാണ് സ്‌കോഡ കൈലാഖിന് ഈ പേര് നല്‍കിയിരിക്കുന്നത്. സ്ഫടികം എന്നര്‍ത്ഥം വരുന്ന സംസ്‌കൃത പദത്തില്‍ നിന്നാണ് ഈ പേര് ഉരുത്തിരിഞ്ഞത്. കൈലാസ പര്‍വതത്തിന്റെ പേരാണ് നല്‍കിയിരിക്കുന്നത്. സ്‌കോഡയുടെ ഇന്ത്യയിലെ എസ് യു വിയായ കുഷാക്കിനും പേര് ലഭിച്ചത് ചക്രവര്‍ത്തി എന്നര്‍ത്ഥം വരുന്ന സംസ്‌കൃത പദത്തില്‍ നിന്നാണ്. സ്‌കോഡയുടെ വലിയ ഫോര്‍ വീല്‍ ഡ്രൈവ് എസ് യു വി യായ കോഡിയാക്ക്, ഇടത്തരം വിഭാഗത്തില്‍ വരുന്ന കുഷാക്ക് എന്നിവയുടെ നിരയിലേക്കാണ് കൈലാഖിന്റെ വരവ്. ഡ്രൈവര്‍ക്കും മുന്നിലെ പാസഞ്ചര്‍ക്കും വെന്റിലേഷനുള്ള സിക്‌സ്-വേ ഇലക്ട്രിക് സീറ്റുകള്‍ ഉള്‍പ്പെടെ ഈ സെഗ്മെന്റില്‍ ആദ്യമെത്തുന്ന ചില ഫീച്ചറുകളും കൈലാഖിലുണ്ട്.. 446 ലിറ്റര്‍ ബൂട്ട് സ്‌പെയ്‌സ് സെഗ്മെന്റിലെ ഏറ്റവും മികച്ചതാണ്. ഇലക്ട്രിക്കലി അഡ്ജസ്റ്റ് ചെയ്യാവുന്ന ഫ്രണ്ട് സീറ്റുകള്‍ക്ക് വെന്റിലേഷനോട് കൂടിയ ഓട്ടോ ക്ലൈമാറ്റ്ട്രോണിക് ഫീച്ചറുമുണ്ട്. തിരഞ്ഞെടുത്ത വേരിയന്റില്‍ ഇലക്ട്രിക് സണ്‍റൂഫും ഉണ്ട്.

”സ്‌കോഡയുടെ ഇന്ത്യയിലെ യാത്രയില്‍ മറ്റൊരു പ്രധാന നാഴികക്കല്ലാണ് കൈലാക്കിന്റെ ആഗോള അവതരണം. 2024ല്‍ ഏറെ ആകാംക്ഷയും ആവേശവും സൃഷ്ടിച്ച കാറാണ് കൈലാക്. കൂടാതെ സ്‌കോഡ കൈലാഖ് ഇന്ത്യയ്ക്കും ലോകത്തിനുമായി ഇന്ത്യയില്‍ അനാവരണം ചെയ്യുന്നതില്‍ അഭിമാനമുണ്ട്. പ്രാദേശിക നിര്‍മാണം, സമാനതകളില്ലാത്ത ഡ്രൈവിംഗ് ഡൈനാമിക്‌സ്, വിട്ടുവീഴ്ചയില്ലാത്ത സുരക്ഷ എന്നീ സവിശേഷതകളാല്‍ കൈലാഖ് വിപണിയില്‍ കാര്യമായ സ്വാധീനം ചെലുത്തും,” സ്‌കോഡ ഓട്ടോ ഫോക്സ്വാഗണ്‍ ഇന്ത്യയുടെ മാനേജിംഗ് ഡയറക്ടറും സിഇഒയുമായ പിയൂഷ് അറോറ പറഞ്ഞു.

 ”വരും ഏതാനും വര്‍ഷങ്ങളില്‍ ഇന്ത്യയിലെ സ്‌കോഡയുടെ വളര്‍ച്ചയ്ക്ക് കരുത്തു പകരാന്‍ പോകുന്നത് കൈലാഖ് ആണ്. ഞങ്ങള്‍ക്കിത് ഇന്ത്യയില്‍ ഒരു പുതിയ യുഗത്തിന്റെ തുടക്കമാണ്. നിലവില്‍ ശക്തമായ മത്സരമുള്ള ഒരു സെഗ്മെന്റിലേക്കാണ് പ്രവേശിക്കുന്നതെന്ന് ഞങ്ങള്‍ക്ക് ബോധ്യമുണ്ട്. സുരക്ഷയിലും ഡ്രൈവിങ് ഡൈനാമിക്‌സിലും വിപണിയില്‍ സ്വാധീനം ചെലുത്താനുള്ള കരുത്ത് കൈലാഖിനുണ്ടെന്ന ആത്മവിശ്വാസം ഞങ്ങള്‍ക്കുണ്ട്. അതിലുപരി, ഈ സെഗ്മന്റില്‍ ഇതുവരെ ഇല്ലാത്ത ഒട്ടേറെ ഫീച്ചറുകളും കൈലാഖിലുണ്ട്. കുഷാക്കിനും സ്ലാവിയയ്ക്കും ശേഷം ഇന്ത്യയ്ക്കു വേണ്ടിയുള്ള വാഹന നിരയില്‍ സ്‌കോഡയുടെ ഏറ്റവും പുതിയ മോഡലാണ് കൈലാഖ്. സ്‌കോഡ കുടുംബത്തിലേക്ക് കൂടുതല്‍ ഉപഭോക്താക്കളെ എത്തിക്കാനും പുതിയ വിപണികളിലേക്ക് പ്രവേശനവുമാണ് ഞങ്ങളുടെ ലക്ഷ്യം. സ്വീകാര്യമായ വില എന്ന വാഗ്ദാനത്തില്‍ ഞങ്ങള്‍ ഉറച്ചു നില്‍ക്കുന്നതോടൊപ്പം യുറോപ്യന്‍ സാങ്കേതികവിദ്യയുടെ ജനാധിപത്യവല്‍ക്കരണം ഉറപ്പാക്കുക കൂടി ചെയ്യുന്നുവെന്നാണ് വിശ്വാസം.  ഇതൊരു കോംപാക്ട് കാര്‍ ആണെങ്കിലും പ്രതീക്ഷിച്ചതിലും വലുതാണ്. അതുകൊണ്ടാണ് സാധാരണയില്‍ നിന്ന് മാറി ഒരു മോഷന്‍ പിക്ചര്‍ പ്രീമിയറിലൂടെ ഇത് അവതരിപ്പിച്ചത്,” സ്‌കോഡ ഓട്ടോ ഇന്ത്യയുടെ ബ്രാന്‍ഡ് ഡയറക്ടര്‍ പീറ്റര്‍ ജനിബ പറഞ്ഞു.

കരുത്ത്, പ്രകടനം, സുരക്ഷ

മണിക്കൂറില്‍ 100 കിലോമീറ്റര്‍ വേഗമെടുക്കാന്‍ മാന്വല്‍ ട്രാന്‍സ്മിഷനുള്ള കൈലാഖിന് 10.5 സെക്കന്‍ഡുകള്‍ മാത്രം മതി. മണിക്കൂറില്‍ 188 കിലോമീറ്ററാണ് പരമാവധി വേഗം. 6-സ്പീഡ് മാന്വല്‍/ 6-സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് 1.0 ടിഎസ്‌ഐ എഞ്ചിന്‍ 85Kw കരുത്തും 178Nm ടോര്‍ക്കും നല്‍കുന്നു. തിരഞ്ഞെടുത്ത വേരിയന്റുകളില്‍ പാഡ്ല്‍ ഷിഫ്‌റ്റേഴ്‌സും ലഭ്യമാണ്. കുഷാക്കിലും സ്ലാവിയയിലുമുള്ള MQB-A0-IN പ്ലാറ്റ്ഫോമിലാണ് കൈലാഖും നിര്‍മ്മിച്ചിരിക്കുന്നത്.

ക്രിയേറ്റര്‍ സെന്‍ട്രല്‍ ഉപയോഗിച്ച്‌ ആമസോണ്‍ ആപ്പില്‍ നിന്നും ക്രിയേറ്റര്‍മാര്‍ക്ക്‌്‌ ഐഡിയ ലിസ്‌റ്റുകള്‍, ഫോട്ടോകള്‍, വീഡിയോകള്‍ എന്നിവ അപ്ലോഡ്‌ ചെയ്യാം. ഇതില്‍ നിന്നുള്ള വരുമാനം, മികച്ച പ്രവര്‍ത്തനം കാഴ്‌ചവെച്ച കണ്ടന്റുകള്‍, വിഭാഗം തുടങ്ങിയ പ്രകടന റിപ്പോര്‍ട്ടുകളും ലഭിക്കും. ക്രിയേറ്റര്‍മാര്‍ക്ക്‌ ഒന്നിലധികം അക്കൗണ്ടുകള്‍ എളുപ്പത്തില്‍ കൈകാര്യം ചെയ്യാനും സ്‌റ്റോര്‍ ഫ്രണ്ടിലേക്ക്‌ ഒന്നിലധികം യൂസര്‍മാരെ ചേര്‍ക്കാനും കൂടുതല്‍ കാര്യക്ഷമമായി പ്രവര്‍ത്തിക്കാനും ഇതുവഴി സാധിക്കും.

തുടര്‍ച്ചയായ വളര്‍ച്ചയും വികസനവും പ്രോത്സാഹിപ്പിക്കുന്നതിനായി ഈ വര്‍ഷം ആദ്യം ആരംഭിച്ച ക്രിയേറ്റര്‍ യൂണിവേഴ്‌സിറ്റിയെ ക്രിയേറ്റര്‍ സെന്‍ട്രലുമായി സംയോജിപ്പിക്കും. ഇന്ത്യയിലെ ക്രിയേറ്റര്‍മാരെ ശാക്തീകരിക്കാനായി രൂപകല്‍പ്പന ചെയ്‌തിരിക്കുന്ന ഏകജാലക പ്ലാറ്റ്‌ഫോമാണ്‌ ക്രിയേറ്റര്‍ സെന്‍ട്രലെന്ന്‌ ആമസോണ്‍ ഇന്ത്യ ഷോപ്പിംഗ്‌ ഇനിഷ്യേറ്റീവ്‌സ്‌ ആന്‍ഡ്‌്‌ എമര്‍ജിംഗ്‌ മാര്‍ക്കറ്റിംഗ്‌ ഡയറക്ടര്‍ സാഹിദ്‌ ഖാന്‍ പറഞ്ഞു.

ക്രിയേറ്റര്‍ യൂണിവേഴ്‌സിറ്റിയ്‌ക്കൊപ്പം ആമസോണ്‍.ഇന്‍ ഇന്ത്യയില്‍ ക്രിയേറ്റര്‍ കണക്ടും ആരംഭിച്ചിരുന്നു. ആമസോണ്‍ ചുറ്റുപാടിനുള്ളിലെ ക്രിയേറ്റര്‍മാര്‍ക്കായി പഠനം, വളര്‍ച്ച, ബന്ധങ്ങള്‍ തുടങ്ങിയവ പ്രോത്സാഹിപ്പിക്കുന്നതിനായി രൂപകല്‍പ്പന ചെയ്‌തിരിക്കുന്ന വ്യക്തിഗത ഇവന്റുകളുടെ ഒരു പരമ്പരയാണ്‌ ക്രിയേറ്റര്‍ കണക്ട്‌.

പ്രധാന വിഭാഗങ്ങള്‍ക്കുള്ള സ്‌റ്റാന്‍ഡേര്‍ഡ്‌ കമ്മീഷന്‍ വരുമാന നിരക്കില്‍ അടുത്തിടെ ആമസോണ്‍.ഇന്‍ ഗണ്യമായ വര്‍ദ്ധനവ്‌ പ്രഖ്യാപിച്ചിട്ടുണ്ട്‌. ഫാഷന്‍, സൗന്ദര്യ- വ്യക്തിഗത സംരക്ഷണ ഉപകരണങ്ങള്‍, വീട്ടുപകരണങ്ങള്‍, കളിപ്പാട്ടങ്ങള്‍, പുസ്‌തകങ്ങള്‍ എന്നിങ്ങനെ ജനപ്രിയ ചോയ്‌സുകള്‍ ഉള്‍പ്പെടെ വിവിധ ഉല്‍പ്പന്ന വിഭാഗങ്ങളുടെ പരിഷ്‌ക്കരിച്ച കമ്മീഷന്‍ ഘടനയില്‍ ഒന്നര മുതല്‍ രണ്ടു മടങ്ങുവരെ വര്‍ദ്ധനവും വരുത്തിയിട്ടുണ്ട്‌.

രണ്ടു കാമ്പെയിനുകളും ഗ്രൂപ്പിന്‍റെ ബ്രാന്‍ഡ് അംബാസഡറായ ഷാരൂഖ് ഖാനെയും അദ്ദേഹത്തിന്‍റെ സ്വാധീനവും ഉപയോഗപ്പെടുത്തി എംഎഫ്എല്ലിന്‍റെ ഉപഭോക്താക്കളുമായി ബന്ധിപ്പിക്കുന്നു.

ആദ്യ പരസ്യത്തില്‍ ലളിതവും ലഭ്യമായതുമായ വായ്പ ഓപ്ഷനുകള്‍ അവതരിപ്പിച്ചുകൊണ്ട് ഇരു ചക്രവാഹനം സ്വന്തമാക്കുക എന്ന ഉപഭോക്താവിന്‍റെ സ്വപ്നം സാക്ഷാല്‍ക്കരിക്കുന്നതിനുള്ള ഒരു ‘സൂപ്പര്‍സ്റ്റാര്‍ രഹസ്യം’ ഖാന്‍ വെളിപ്പെടുത്തുന്നു. രണ്ടാമത്തെ പരസ്യം ബിസിനസ് വിജയത്തിനായുള്ള ‘ബ്ലോക്ക്ബസ്റ്റര്‍ ടിപ്പ്’ നല്‍കുന്നു. അവരുടെ ലക്ഷ്യങ്ങളിലേക്കുള്ള വലിയ ചുവടുവെപ്പ് നടത്താന്‍ സംരംഭകരെ ശാക്തീകരിക്കുന്നതിനുള്ള താക്കോലായി എംഎഫ്എല്ലിന്‍റെ ബിസിനസ് വായ്പകളെ അവതരിപ്പിക്കുന്നു.

ടൂവീലറിനും ബിസിനസ് വായ്പകള്‍ക്കുമുള്ള ഏറ്റവും പുതിയ പദ്ധതി അവതരിപ്പിക്കുന്നതിലൂടെ സാധരാണക്കാരന്‍റെ ജീവിതം മെച്ചപ്പെടുത്തുന്നതിനും ശാക്തീകരിക്കുന്നതിലുമുള്ള പ്രതിജ്ഞാബദ്ധതയാണിതെന്ന് എംഎഫ്എല്‍ സിഇഒ ഷാജി വര്‍ഗീസ് പറഞ്ഞു.

ടൂവീലര്‍ വാങ്ങുന്നതിനായാലും ബിസിനസ് വിപുലമാക്കുന്നതിലായാലും എംഎഫ്എല്‍ മുത്തൂറ്റ് ഫിന്‍കോര്‍പ് വണ്‍ ആപ്പിലൂടെയും ഇന്ത്യയിലുടനീളമുള്ള എംഎഫ്എല്ലിന്‍റെ 3700ഓളം ബ്രാഞ്ചുകളിലൂടെയും ഉപഭോക്താക്കള്‍ക്ക് വായ്പ തെരഞ്ഞെടുക്കാന്‍ അവസരവും സൗകര്യവും വിശ്വാസ്യതയും ലഭ്യമാക്കുന്നുവെന്നും ബ്രാന്‍ഡ് അംബാസഡറായി ഷാരൂഖ് ഖാന്‍ തങ്ങളുടെ വിശ്വാസ്യതയെ കൂടുതല്‍ ശക്തിപ്പെടുത്തുന്നുവെന്നും ഇത് ഉപഭോക്താക്കളുമായി അടുക്കാനും ഒരു മിസ്ഡ് കോളിലൂടെ വായ്പ സേവനങ്ങള്‍ ലഭ്യമാക്കാന്‍ സാധ്യമാക്കുന്നുവെന്നും അദേഹം കൂട്ടിച്ചേര്‍ത്തു.

80869 80869ലേക്ക് വിളിച്ച് ബിസിനസ്, ടൂവീലര്‍ വായ്പ ലഭ്യമാക്കാനുള്ള എളുപ്പ മാര്‍ഗമാണ് കാമ്പെയിന്‍ എടുത്ത് കാണിക്കുന്നത്. വിപുലമായ ഉപഭോക്താക്കളിലേക്ക് എംഎഫ്എല്ലിന്‍റെ സന്ദേശം കാര്യക്ഷമമായി എത്തുന്നുണ്ടെന്ന് ഉറപ്പുവരുത്താന്‍ ഡിജിറ്റല്‍ പ്ലാറ്റ്ഫോമുകളില്‍ മൂന്ന് ഭാഷകളില്‍ പ്രചാരണമുണ്ടാകും. മുത്തൂറ്റ് പാപ്പച്ചന്‍ ഗ്രൂപ്പിന്‍റെ ഭാഗമായ മുത്തൂറ്റ് കാപിറ്റല്‍ സര്‍വീസസ് ലിമിറ്റഡിന്‍റെ പദ്ധതിയാണ് ടൂവീലര്‍ വായ്പ.

ഇലക്ട്രോണിക്സ്, ട്രാവല്‍, ഹോട്ടല്‍ ബുക്കിങ്, ബില്‍ പേയ്മെന്‍റുകള്‍ തുടങ്ങിയവയ്ക്കായി ഉപഭോക്താക്കളെ ശാക്തീകരിക്കാനാണ് ഉല്‍സവ കാലത്ത് ഈ സേവനം ലഭ്യമാക്കിയിരിക്കുന്നത്.

വായ്പ ലഭിക്കാനായി ഫോണ്‍പേയില്‍ ലോഗിന്‍ ചെയ്ത് ആപ്പിലെ ക്രെഡിറ്റ് ആക്റ്റിവേഷനില്‍ ക്ലിക്ക് ചെയ്യുക. ഉല്‍പ്പന്ന ഫീച്ചറുകള്‍, ചാര്‍ജുകള്‍ പരിശോധിച്ച് ആക്റ്റിവേറ്റ് ചെയ്യുക. അംഗീകൃത പരിശോധനകള്‍ പൂര്‍ത്തിയാക്കുക. വായ്പ അംഗീകരിക്കുന്നതോടെ ഉപഭോക്താവിന് യുപിഐയുമായി ലിങ്ക് ചെയ്യാം. യുപിഐ പിന്‍ സെറ്റ് ചെയ്ത് ഇടപാടുകള്‍ക്കായി ഉപയോഗിക്കാം.

ഉത്സവ കാലത്ത് ഐസിഐസിഐ ബാങ്കിന്‍റെ പ്രീ-അംഗീകൃത ഉപഭോക്താക്കള്‍ക്ക് ഉത്സവ ഷോപ്പിംഗ് ആവശ്യങ്ങള്‍ക്കായി ഫോണ്‍പേയിലൂടെ പണമടയ്ക്കുന്നതിന് വായ്പ തല്‍ക്ഷണം സജീവമാക്കാം. തടസ്സങ്ങളില്ലാത്ത ഡിജിറ്റല്‍ വായ്പ നല്‍കാന്‍ ലക്ഷ്യമിട്ടുള്ള ഈ സേവനം തങ്ങളുടെ ഉപഭോക്താക്കളുടെ സ്വകാര്യ ബാങ്കിംഗ് അനുഭവത്തില്‍ ഒരു പ്രധാന പങ്ക് വഹിക്കാന്‍ കഴിയുമെന്ന് ഐസിഐസിഐ ബാങ്ക് പേയ്മെന്‍റ് സൊല്യൂഷന്‍സ് പ്രൊഡക്ട് ഹെഡ് നിരജ് ട്രല്‍ഷവാല പറഞ്ഞു.

യുപിഐയിലെ വായ്പ ഒരു നൂതന പദ്ധതിയാണ് ഇത് രാജ്യത്ത് വായ്പ ലഭ്യമാക്കുന്നതിലും  ഉപയോഗിക്കുന്നതിലും വലിയ മാറ്റം സൃഷ്ടിക്കുകയും ചെയ്യും. ഫോണ്‍പേയില്‍ ഈ പദ്ധതിയുടെ വ്യാപ്തിയും ലഭ്യതയും വര്‍ദ്ധിപ്പിക്കുന്നതിലാണ് തങ്ങള്‍ ശ്രദ്ധ കേന്ദ്രീകരിക്കുന്നത്, ഐസിഐസിഐ ബാങ്കുമായുള്ള ഈ പങ്കാളിത്തം ഒരു പ്രധാന നാഴികക്കല്ലാണെന്ന് ഫോണ്‍പേയുടെ പേയ്മെന്‍റ് വിഭാഗം മേധാവി ദീപ് അഗര്‍വാള്‍ പറഞ്ഞു.

ആമസോണ്‍ ഗ്രേറ്റ് ഇന്ത്യന്‍ ഫെസ്റ്റിവലിന് ലഭിച്ച മികച്ച സ്വീകരണത്തിന്‍റെ സന്തോഷത്തിലാണ് തങ്ങളെന്ന് ആമസോണ്‍ ഇന്ത്യ ആന്‍ഡ് എമര്‍ജിങ് മാര്‍ക്കറ്റ്സ് ഡയറക്ടര്‍ കിഷോര്‍ തോട്ട പറഞ്ഞു. സ്മാര്‍ട്ട്ഫോണുകള്‍, വസ്ത്രങ്ങള്‍, സൗന്ദര്യവര്‍ധക ഉല്‍പന്നങ്ങള്‍ തുടങ്ങിയവയ്ക്ക് വന്‍ ഡിമാന്‍ഡോടെ സംസ്ഥാനത്തെ ഉപഭോക്താക്കള്‍ മേളയോട് വലിയ ആവേശമാണ് പ്രകടിപ്പിച്ചതെന്നും കൊച്ചി, തിരുവനന്തപുരം തുടങ്ങിയ നഗരങ്ങളിലെ വില്‍പ്പനക്കാര്‍ വളരുന്നത് കാണുന്നതിന്‍റെ ആവേശത്തിലാണ് തങ്ങളെന്നും ഇന്ത്യന്‍ ഇ-കൊമേഴ്സ് രംഗത്ത് പ്രാദേശിക വിപണികളുടെ ഉയര്‍ന്നുവരുന്ന പ്രാധാന്യവും രാജ്യത്തുടനീളമുള്ള വൈവിധ്യമാര്‍ന്ന ഉപഭോക്താക്കളുടെ ആവശ്യങ്ങള്‍ കാണണമെന്നുമാണ്  ഇവിടെ വ്യക്തമാകുന്നതെന്നും അദേഹം പറഞ്ഞു.

ഗ്രേറ്റ് ഇന്ത്യന്‍ ഫെസ്റ്റിവലിനു മുന്നോടിയായി ആമസോണ്‍ ഇന്ത്യയില്‍ റൂഫസിന്‍റെ ബീറ്റാ പതിപ്പ് അവതരിപ്പിച്ചിരുന്നു. ആമസോണിന്‍റെ ഉല്‍പ്പന്ന കാറ്റലോഗിലും വെബിലുടനീളവുമുള്ള വിവരങ്ങളിലും പരിശീലനം നേടിയ ഒരു വിദഗ്ധ ഷോപ്പിംഗ് സഹായിയാണ് റൂഫസ്.  ഷോപ്പിംഗ് ആവശ്യങ്ങള്‍, ഉല്‍പ്പന്നങ്ങള്‍, താരതമ്യങ്ങള്‍ എന്നിവയെക്കുറിച്ചുള്ള ഉപഭോക്തൃ ചോദ്യങ്ങള്‍ക്ക് ഉത്തരം നല്‍കാനും ഇതിന്‍റെ അടിസ്ഥാനത്തില്‍ ശുപാര്‍ശകള്‍ നല്‍കാനും ഉല്‍പ്പന്നങ്ങള്‍ കണ്ടെത്തല്‍ സുഗമമാക്കാനും സഹായിക്കുന്നു. റൂഫസ് നിലവില്‍ മലയാളം ഉള്‍പ്പടെയുള്ള ഇന്ത്യന്‍ ഭാഷകളെ പിന്തുണയ്ക്കുന്നുണ്ട്. ആയിരക്കണക്കിന് ഉപഭോക്തൃ അവലോകനങ്ങളെ അടിസ്ഥാനമാക്കി ഉല്‍പ്പന്ന സവിശേഷതകളും ഉപഭോക്തൃ വികാരവും ഉയര്‍ത്തിക്കാട്ടുന്ന ചെറിയ ഖണ്ഡിക സൂചനയായി നല്‍കുന്ന എഐ അധിഷ്ഠിത ഉപഭോക്തൃ റിവ്യൂ പോലുള്ള ജെന്‍ എഐ ഉല്‍പ്പന്നങ്ങളും ആമസോണ്‍ അവതരിപ്പിച്ചിട്ടുണ്ട്.

ആമസോണില്‍ തങ്ങള്‍ നവീകരണത്തിലും ഉപഭോക്തൃ അനുഭവം മെച്ചപ്പെടുത്തുന്നതിലും പ്രതിജ്ഞാബദ്ധരാണെന്ന് ആമസോണ്‍ ഇന്ത്യ ആന്‍ഡ് എമര്‍ജിങ് മാര്‍ക്കറ്റ്സ് ഡയറക്ടര്‍ കിഷോര്‍ തോട്ട പറഞ്ഞു. എഐ ഷോപ്പിങ് സഹായിയായ റൂഫസിന്‍റെ അവതരണം വക്തിഗത ഷോപ്പിങ് അനുഭവം നല്‍കുന്നതിലേക്കുള്ള യാത്രയിലെ നാഴികക്കല്ലാണെന്നും കൂടാതെ, അക ജനറേറ്റഡ് കസ്റ്റമര്‍ റിവ്യൂ ഹൈലൈറ്റുകള്‍ പോലുള്ള ഫീച്ചറുകള്‍ വിവരമുള്ള തീരുമാനങ്ങള്‍ എടുക്കാനും പുതിയ ഉല്‍പ്പന്നങ്ങള്‍ കണ്ടെത്താനും ഉപഭോക്താക്കളെ പ്രാപ്തരാക്കുന്നു. കൂടാതെ, എഐ ജനറേറ്റഡ് ഉപഭോക്തൃ റിവ്യൂ പോലുള്ള ഫീച്ചറുകള്‍ തീരുമാനങ്ങള്‍ എടുക്കാനും പുതിയ ഉല്‍പ്പന്നങ്ങള്‍ കണ്ടെത്താനും ഉപഭോക്താക്കളെ പ്രാപ്തരാക്കുന്നുവെന്നും ഈ മുന്നേറ്റങ്ങള്‍ വിപുലമായ ഉല്‍പ്പന്ന തിരഞ്ഞെടുപ്പും മത്സരാധിഷ്ഠിത വിലനിര്‍ണ്ണയവും കൂടിച്ചേര്‍ന്ന്, ആമസോണ്‍ ഗ്രേറ്റ് ഇന്ത്യന്‍ ഫെസ്റ്റിവല്‍ 2024ന്‍റെ വിജയത്തിന് കാരണമായെന്നും അദേഹം കൂട്ടിച്ചേര്‍ത്തു.

ആമസോണ്‍ അതിന്‍റെ ഇന്‍ഫ്ളുവന്‍സര്‍ പ്രോഗ്രാമിന്‍റെ ഭാഗമായി 50,000ത്തിലധികം ഉള്ളടക്ക സ്രഷ്ടാക്കളുമായും സോഷ്യല്‍ മീഡിയ സ്വാധീനിക്കുന്നവരുമായും ഇടപഴകുന്നു. ഫാഷന്‍, സൗന്ദര്യ-വ്യക്തിഗത പരിചരണ ഉപകരണങ്ങള്‍, വീട്, അടുക്കള, കളിപ്പാട്ടങ്ങള്‍, പുസ്തകങ്ങള്‍ തുടങ്ങിയ പ്രധാന വിഭാഗങ്ങളില്‍ ആമസോണില്‍ പ്രവര്‍ത്തിക്കുന്ന സജീവ സ്രഷ്ടാക്കള്‍ക്കുള്ള സ്റ്റാന്‍ഡേര്‍ഡ് കമ്മീഷന്‍ വരുമാന നിരക്കില്‍ കമ്പനി ഗണ്യമായ വര്‍ദ്ധനവ് പ്രഖ്യാപിച്ചിട്ടുണ്ട്. ഫീസ് മാറ്റങ്ങള്‍ക്ക് പുറമേ, ആമസോണ്‍ ലൈവ് പ്രോഗ്രാമിന്‍റെ ഭാഗമായി നൂറുകണക്കിന് സ്രഷ്ടാക്കള്‍ ഗ്രേറ്റ് ഇന്ത്യന്‍ ഫെസ്റ്റിവലിനുവേണ്ടി മൊബൈലുകള്‍, വീട്ടുപകരണങ്ങള്‍, ഫാഷന്‍, സൗന്ദര്യം എന്നിവയുള്‍പ്പെടെയുള്ള വിഭാഗങ്ങളിലായി 1500ലധികം തത്സമയ സ്ട്രീമുകള്‍ പ്രവര്‍ത്തിപ്പിക്കും.

പ്രധാന വിഭാഗങ്ങളിള്‍ കമ്മീഷന്‍ നിരക്കുകള്‍ ഗണ്യമായി വര്‍ധിപ്പിക്കുന്നതിലൂടെയും ക്രിയേറ്റര്‍ യൂണിവേഴ്സിറ്റി, ക്രിയേറ്റര്‍ കണക്റ്റ് എന്നിവ പോലുള്ള പ്രോഗ്രാമുകളിലൂടെ അധിക വിഭവങ്ങള്‍ നല്‍കുന്നതിലൂടെയും തങ്ങള്‍ സ്രഷ്ടാക്കള്‍ക്ക് ഉത്സവ കാലത്തും അതിനുശേഷവും അഭിവൃദ്ധി പ്രാപിക്കാന്‍ ആവശ്യമായ ഉപകരണങ്ങളും പ്രോത്സാഹനങ്ങളും നല്‍കുന്നുവെന്നും മെച്ചപ്പെടുത്തിയ ഈ പിന്തുണാ സംവിധാനം സ്രഷ്ടാക്കള്‍ക്ക് ഗുണം ചെയ്യുക മാത്രമല്ല, ഉപഭോക്താക്കള്‍ക്ക് കൂടുതല്‍ ആകര്‍ഷകവും ലാഭകരമായ ഷോപ്പിംഗ് അനുഭവം ലഭ്യമാക്കുമെന്നും തങ്ങള്‍ വിശ്വസിക്കുന്നുവെന്നും   ആമസോണ്‍ ഇന്ത്യ ആന്‍ഡ് എമര്‍ജിങ് മാര്‍ക്കറ്റ്സ് ഡയറക്ടര്‍ കിഷോര്‍ തോട്ട പറഞ്ഞു.

ആമസോണ്‍ ഗ്രേറ്റ് ഇന്ത്യന്‍ ഫെസ്റ്റിവലിന് മുന്നോടിയായി ആമസോണ്‍, കേരളത്തില്‍ നിന്നുള്ളവരുള്‍പ്പെടെ, ഇന്ത്യയിലുടനീളമുള്ള 16 ലക്ഷം വില്‍പ്പനക്കാര്‍ക്ക് വില്‍പ്പന ഫീസില്‍ ഗണ്യമായ കുറവ് പ്രഖ്യാപിച്ചു.

പലചരക്ക് സാധനങ്ങള്‍, ഫാഷന്‍, ഇലക്ട്രോണിക്സ് തുടങ്ങിയ വിഭാഗങ്ങളില്‍ മൂന്ന് ശതമാനം മുതല്‍ 12 ശതമാനം വരെയാണ് ഫീസ് കുറയ്ക്കുന്നത്, വില്‍പ്പനക്കാര്‍ക്ക് അവരുടെ വരുമാനം വര്‍ദ്ധിപ്പിക്കാനും ഉപഭോക്താക്കള്‍ക്ക് മികച്ച വില നല്‍കാനും ഇത് സഹായിക്കുന്നു. ഡല്‍ഹി എന്‍സിആര്‍, ഗുവാഹത്തി, പാട്ന എന്നിവിടങ്ങളില്‍ കമ്പനി മൂന്ന് ഫുള്‍ഫില്‍മെന്‍റ് കേന്ദ്രങ്ങളും തുടങ്ങി. കൂടാതെ, കേരളത്തിലെ ആയിരക്കണക്കിന് ഇടക്കാല ജോലികള്‍ ഉള്‍പ്പെടെ, വരാനിരിക്കുന്ന ഉത്സവ കാലത്തെ      ഉയര്‍ന്ന ഉപഭോക്തൃ ആവശ്യം നിറവേറ്റുന്നതിനായി Amazon.in പ്രവര്‍ത്തന ശൃംഖലയിലുടനീളം 110,000 ഇടക്കാല തൊഴിലവസരങ്ങള്‍ സൃഷ്ടിച്ചു.

കമ്പനിയുടെ പുതിയ കാമ്പെയിനായ څഖൂബ്സൂറത്ത് സോച്ചില്‍چ ബ്രാന്‍ഡ് അംബാസഡര്‍മാരായ ദുല്‍ഖര്‍ സല്‍മാനും ആലിയ ഭട്ടും പങ്കാളികളായി.

ദുല്‍ഖര്‍ സല്‍മാന്‍റെ ജനപ്രീതിയും വ്യത്യസ്ഥമായ അഭിനയ ചാരുതയും ജെഎസ്ഡബ്ല്യു പെയിന്‍റ്സിനെ ഉപഭോക്താക്കള്‍ക്കിടയില്‍ ജനപ്രീയമാക്കുമെന്നും ഇതുവഴി ദക്ഷിണേന്ത്യയിലെ വിപണി സാന്നിധ്യം ശക്തിപ്പെടുത്താനാവുമെന്നും ജെഎസ്ഡബ്ല്യു പെയിന്‍റ്സ് ജോയിന്‍റ് എംഡിയും സിഇഒയുമായ എഎസ് സുന്ദരേശന്‍ അഭിപ്രായപ്പെട്ടു.

ഗുണനിലവാരത്തോടും മൂല്യങ്ങളോടുമുള്ള തന്‍റെ പ്രതിബദ്ധത പ്രതിഫലി പ്പിക്കുന്ന യുവ ബ്രാന്‍ഡായ ജെഎസ്ഡബ്ല്യു പെയിന്‍റ്സുമായി സഹകരിക്കുന്നതില്‍ അതിയായ സന്തോഷമുണ്ടെന്ന് ദുല്‍ഖര്‍ സല്‍മാന്‍ അഭിപ്രായപ്പെട്ടു.

നിഷ്ക്രിയമായി (പാസീവായി) കൈകാര്യം ചെയ്യപ്പെടുന്ന ഒരു സൂചിക ഫണ്ട് എന്ന നിലയില്‍  സജീവമായി കൈകാര്യം ചെയ്യപ്പെടുന്ന ഫണ്ടുകളുമായി താരതമ്യം ചെയ്യുമ്പോള്‍  ഇത്  ചെലവ് കുറഞ്ഞ നിക്ഷേപത്തിന് അവസരം നല്‍കുന്നതാണ്. നിക്ഷേപകര്‍ക്ക് ദീര്‍ഘകാലാടിസ്ഥാനത്തില്‍ സമ്പത്ത് സൃഷ്ടിക്കുകയാണ് ഇത് ചെയ്യുന്നത്. 100 രൂപയാണ് ആവശ്യമായ കുറഞ്ഞ നിക്ഷേപം. തുടര്‍ന്ന് ഒരു രൂപയുടെ ഗുണിതങ്ങളായി അപേക്ഷിക്കാം.

ആക്സിസ് മ്യൂച്വല്‍ ഫണ്ടിന്‍റെ ലക്ഷ്യം എപ്പോഴും നിക്ഷേപകര്‍ക്ക് നൂതനവും നിക്ഷേപക കേന്ദ്രീകൃതവുമായ നിക്ഷേപ സാധ്യതകള്‍ ലഭ്യമാക്കുക എന്നതാണെന്നും ഇതിന്‍റെ അടിസ്ഥാനത്തില്‍ പുതിയ ‘ആക്സിസ് നിഫ്റ്റി500 വാല്യു 50 ഇന്‍ഡക്സ് ഫണ്ട്’ നിക്ഷേപകര്‍ക്ക് താരതമ്യേന കുറഞ്ഞ ചിലവില്‍ മികച്ച മൂല്യം നേടാനുള്ള നിക്ഷേപാവസരം തുറന്നു നല്‍കുന്നതാണെന്നും ആക്സിസ് എഎംസിയുടെ എംഡിയും സിഇഒയുമായ ബി ഗോപകുമാര്‍ പറഞ്ഞു.

ദീര്‍ഘകാലാടിസ്ഥാനത്തില്‍ സമ്പത്ത് സൃഷ്ടിക്കാന്‍ ആഗ്രഹിക്കുന്ന നിക്ഷേപകര്‍ക്കുള്ള മികച്ച അവസരമാണ് ഈ ഫണ്ടെന്ന് ആക്സിസ് എഎംസിയുടെ ചീഫ് ചീഫ് ഇന്‍വെസ്റ്റ്മെന്‍റ് ഓഫീസര്‍ ആശിഷ് ഗുപ്ത അഭിപ്രായപ്പെട്ടു.

കാര്‍ത്തിക് കുമാറും ഹിതേഷ് ദാസുമായിരിക്കും ഫണ്ട് കൈകാര്യം ചെയ്യുന്നത്.